Jæja þá er maður búinn að gera sig að þvílíku erkifífli hérna í Horsens, því að í gær hélt Íslendingafélagið Lummóball.  Markmiðið var að mæta eins hallærislegum fatnaði og maður gat ýmindað sér og þá var bara eitt að gera það var að fara í genbrug verslun.  Viti menn haldiði að ég hafi ekki bara fundið þetta líka bara "flotta" dress. En á þessu balli var þvílíkt samansafn af molbúum að annað eins hefur sjaldan sést á yfirborði jarðar held ég bara   En þetta var mjög vel heppnað ball og ég nenni varla að skrifa meira því að heilsan er ekki uppá marga fiska í dag en það eru komnar inn myndir af ballinu. Fleiri myndir hér.

Ekki mikið að skrifa um sálarballið í Köben nema að þetta var alveg ólýsanleg tilfinning. Raddleysið næstu viku er besta sönnun um það.  Það eru komnar inn myndir af ballinu. Later Stjáni

Jæja ég held að ég verði að skrifa aðeins um ferðina mína og félaga minna í "Vinum Bjögga" til Tallin í Eistlandi.  Lagt var af stað frá Horsens klukkan 05:00 á mánudagsmorgun fullir eftirvæntingar en líka smá kvíða þar sem að við vissum ekkert hvert við vorum að fara eða hvað við vorum að fara út í.  Flugið var sem betur fer stutt og þægilegt.  Við komuna til Tallinn fundum við okkur leigubíl og reyndum að gera okkur skiljanlega hvert við vorum að fara á hótelið, það hafðist nú á endanum.  Ekki leist okkur nú á blikuna þegar að við renndum upp að þessu blessaða hóteli, húsið leit út eins og hús Addams fjölskyldunnar en við ákváðum nú samt að gefa þessu séns. 

Eftir að við vorum búnir að tékka okkur inn röltum við af stað í bæinn en ákváðum nú samt að taka nokkrar myndir af kofanum, þar sem að við stóðum í þessum óræktar garði við hótelið að taka myndir reis allt í einu upp maður fúlskeggjaður og skítugur í einum runnanum, við vorum þá búnir að hitta nágrannann.

Restinni af deginum eyddum við svo í að skoða borgina og ná áttum. Um kvöldið fórum við á einhvern pöbb sem að við fundum umsögn um í bæklingi sem gítarpöbb en allt kom fyrir ekki það var línudans æfing á staðnum og þar votum við nú ekki á heimavelli þar sem að ”Skagadansinn” er okkar sterka hlið.  Það varð nú ekki mikið meira úr þessu kvöldi enda langur dagur að baki.

Þriðjudagurinn var tekinn snemma og farið á labbið í bænum, þetta er alveg stórmerkileg og falleg borg, mæli eindregið með því að fara þangað.  Og svo um kvöldið var farið út á lífið þá fundum við okkur bara hinn þokkalegasta klúbb.

Restin af vikunni var nú bara mjög svipuð þessum tveimur fyrstu dögum, mikið labbað og skoðað og svo deginum slúttað með djammi og tilheyrandi fíflalátum.

En sem sagt alveg ótrúlega vel heppnuð ferð. Tallinn alveg frábær borg í alla staði, hreinleg, mikið líf og hræódýrt.

Búinn að setja inn myndir frá ferðinni og koma fleiri seinna.

Stjáni out!

Jæja þá er fyrsta vikan í vinnunni að líða og eina sem að ég get sagt er að ég kann ekkert í dönsku. Ég er búinn að vera að klæða veggi upp í 2,5 metra hæð með blýi og það er alveg á hreinu að ég er dottinn úr allri æfingu með þunga hluti, ég er náttúrulega ekki búinn að lyfta neinu þyngra en blýanti og bjórflösku síðan í janúar.

En svo að ég segi nú aðeins frá síðust helgi þegar Ægir og Óli komu hérna. Þeir félagar lentu í Horsens um fimm leitið eftir ofsaakstur á hraðbrautum Danmerkur og Óli alveg með lífið í lúkunum. En þá tók við stíf drykkja, fórum og fengum okkur að éta á þessum líka flotta pizza stað.

Eftir það þá kíktum við í bæinn og og þar þurfti Stjáni nú aldeilis að standa sig. Ægir skoraði á mig áður en ég fór út að þegar hann kæmi í heimsókn þá þyrfti ég að labba upp að einvherri ókunnugri stelpu að hans vali og tala við hana í korter á dönsku, haldið að strákurinn hafi ekki bara staðist þessa áskorun í fyrstu tilraun Ægi til mikillar mæðu því hann var búin að sjá fyrir sér skemmtun allt kvöldið því ef ég næði ekki korteri í eðligegum spjalli þá þyrfti ég að prufa sftur en neiii, svo var skriðið heim seint og um síðir.

Á laugardaginn vorum við Óli búnir að vaska upp og taka til þega drauguinn hann Ægir loksins drattaðist á lappir með tilheyrandi ææi og óói. Stefnan var tekin á Malmö og undir stýrið settist Ægir Shumacher, ég þurfti að skipta um nærur þegar við komum til Malmö. Þar sátum við í stífri drykkju á svölunum hjá Binna langt fram á nótt og ákvað ég nú að fara að leggja mig bara þegar Ægir og Binni voru farnir að metast um hver væri með meiri bringu hár en þar læt ég myndirnar tala sínu máli.

En ekki mikið meira að segja frá í bili

Jæja þá er skólinn búinn og gekk svona sæmilega.  Ægir frændi og Óli vinur hans eru að koma hingað til mín á föstudaginn og ætlum við að taka púlsinn á hinu "villta" næturlífi stórborgarinnar Horsens.  Á laugardaginn förum við svo til Malmö í heímsókn til Binna félaga þeirra Ægis og Óla. Mætti segja mér að heilsan verði nú ekki uppá 10 hjá mér á mánudaginn....

Á mánudaginn byrja ég svo að vinna, ég var svo heppinn að fá vinnu hjá trésmíðafyrirtæki hérna í bænum og verð að vinna við viðbyggingu við sjúkrahúsið hérna sem er bara rétt hjá þar sem að ég bý sem er mjög gott að þurfa ekki að taka strætó eða lest á hverjum morgni..

En ég verð að biðja ykkur að afsaka það að það eru engar myndir af U2 tónleikunum því að það var bannað að vera með myndavélar og ég var ekki tilbúinn að taka séns á því að verða hent út.  En þetta var alveg ólýsanleg tillfinning að vera þarna og ég á pottþétt eftir að gera þetta aftur.

Bið að heilsa í bili 

Jæja það er svo sem ekki mikið að skrifa núna nema það að ég er að fara á U2 tónleika á sunnudaginn í London og vá maður hlakka ég til!!!! Ég flýg út til systu á föstudaginn og verð þar fram á mánudag, lúxus að hafa svona fría gistingu. Þetta er eitthvað sem að ég ser búinn að vera að bíða eftir í mörg ár og gat bara ekki beðið mikið lengur. 

En ég hef ekki mikið meira að segja í bili, skrifa alveg pottþétt eftir helgi og set inn myndir.

It´s a beutiful day!!!!!!!!

later, Stjáni

Er ekki kominn tími til að skrifa eitthvað smá! 

 

Það er svo sem ekki mikið að frétta nema hvað að ég skrapp í heimskókt til Gunnu Lísu systu um helgina til Brighton og tók svona smá kipp á næturlífinu þar.  Skellti mér á local pubbinn á föstudeginum með Guðnýju, Gunnu Lísu, Svövu, Danny og fleirum svo þegar að pubbinn lokar klukkan 23:00 (þetta er alltaf jafn fyndið) þá var farið í partý í “Mewsinu” þar sem að Guðný býr og haldið áfram fram eftir nóttu, þeir sem höfðu þrek það er að segja.

Laugardagurinn byrjaði ekkert allt of gæfulega þar sem að rúsínu heilkennin tóku öll völd eftir að ég vaknaði og held ég að ég hafi þurft 2 lítra af vökva til að losna við þau.  Um kvöldið fórum við svo á þennan líka fína 80´s klúbb og var það fyrsta sem að ég sá þegar ég kom inn voru svona líka þrælhuggulegar stelpur að dansa uppá barborðinu í þeim stystu pilsum sem sögur fara af.  Þá var það ákveðið ég var orðinn þyrstur og tók því beint strik á barinn, mér skilst að ég hafi verið óvenju lengi en það var bara brjálað að gera á barnum.  Svo var dansað frá sér allt vit og þvílíkt sem að það lak af manni lýsið þetta kvöld.

 

Á sunnudaginn fórum við allt gengið í Sunday roast í þennan líka flotta mat.  Restina af deginum var eitt í afslöppun fyrir utan nokkra kalda hjá Guðnýju.

 

Ferðin endaði svo á því að ég fór með krakkana á Brighton Pier og var ég dreginn í eitthvað tæki svona rétt til að hrista allt brennivínið í mér í góðan kokteil.

 

Ég er búinn að setja inn myndir úr ferðinni hér.

 

En sem sagt hin besta ferð og er ég búinn að panta far aftur í júlí.

 

Jæja þá eru 2/3 búnir af þessarri önn, á fimmtudaginn kláraði ég landmælingahlutann með ritgerð, fyrirlestri og tilheyrandi stressi.  Svo þurfti að sjálfsögðu að halda uppá þennan áfanga með ferð á skólabarinn þar var setið frá tvö til sjö og mjöðurinn sopinn af miklum ákafa.  Rétt um sjö var okkur Gísla, Joe (kínverjinn frá Aarhus) og Gavin boðið í BBQ á kollegiinu hjá skólanum jú og viti menn það var stoppað í Rema á leiðinni keyptar pylsur á grillið og Gin. Eftir BBQ fórum við strákarnir svo til Bent uppí Mosa þar sátu þeir nokkrir félagar af öðru semesteri.  Nokkrum bjórum seinna datt Bent í hug að athuga hvort að kínverjinn kynni krók, hann var ekki alveg með það á hreinu en ákvað að slá til, Bent segir að hann verði að segja stopp um leið og hann vill hætta já já Joe var nú aldeilis viss um að þess þyrfti nú ekki hann myndi örugglega hafa Benson. Tíu sekúndum seinna heyrist þetta líka svakalega brak og jú þar var hringt á taxa og Joe á slysó þríbrotinn á löngutöng.  Þannig fór nú um sjóferð þá.  En ég er búinn að henda inn nokkrum myndum frá Íslendinga partýinu síðusta föstudag og svo Afrísku grillveislunni síðasta laugardag.

 

Ég skrapp til Aarhus í gær sem er ekki frásögu færandi nema hvað að það endaði í smá djammi.  Ég hafðí sambandi við Bensa og Gyðu sem að búa þar og mæltum við okkur mót á kaffihúsi niðrí bæ, þar sátum við í dágóða stund og sötruðum øl þeir sem það vildu.  Svo datt mér í hug að hringja í Joe sem er kínverskur strákur með mér í bekk og býr í Aarhus, hann kemur á kaffihúsið og er svona líka ánægður að fá mig í heimsókn í stórborgina að hann vill endilega fara með okkur út að borða.  Joe stingur uppá veitinga og karaoke stað sem heitir XL og er á Strikinu, við strákarnir fengum okkur kengúrusteik og kom hún svakalega á óvart, ekkert smá góð, Gyða fékk sér svínarif sem að kom svo í ljós að voru úr söltuðu svínakjöti sem var ekki mjög gott.  Eftir matinn færðum við okkur á efri hæðina þar sem karaokeið yrði seinna um kvöldið, þar fengu nokkrir gin og tonic að hverfa í kverkarnar á okkur þangað til að Joe fór uppá svið og söng í karaoke eins og sönnum kínverja sæmir.  Ég endaði svo á því að gista á sófanum hjá Bensa og Gyðu.  En þetta var með skemmtilegri kvöldum hjá mér í Danmörku og hlakka ég mikið til að fara aftur til þeirra og á XL til að prufa krókudíla kjöt.

En ég er búinn að setja inn myndir frá Aarhus inn og vonandi eitt video af Joe að syngja í karaoke. Hér eru líka myndir sem Bensi og Gyða tóku.  http://photos.heremy.com/gydabensi/index.php?goto=showalbum&album_id=78301

 

Gáfnapróf fyrir gáfaða.....
Bannað að hugsa lengi!


Fyrir neðan eru fjórar (4) spurningar og bónus spurning
Þú þarft að svara þeim strax
Yú getur ekki tekið þér þann tíma sem þú þarft, svarða þeim öllum um leið.
OK?

Komumst nú að því hversu klár þú ert
Tilbúin(n)?
BYRJA !!! (skrunaðu niður)

Fyrsta spurning:
Þú tekur þátt í keppni. Þú ferð framúr þátttakandanum sem er annar í röðinni. Hvar í röðinni ert þú þá?



Svar: Ef þú svaraðir að þú sért í fyrsta sæti, hefurðu algjörlega rangt fyrir þér!
Ef þú ferð fram úr þeim í öðru sæti, þá tekur þú sæti hans/hennar, þú ert í öðru sæti!

Reyndu nú að klúðra ekki næstu spurningu
Til að svara annarri spurningu, reyndu að taka ekki eins mikinn tíma og í þeirri fyrstu

Önnur spurning:
Ef þú ferð fram úr þeim er síðastur í röðinni, ert þú í....?



Svar: Ef þú svaraðir að þú sért næst síðust/síðastur, hefurðu rangt fyrir þér aftur.  Hvernig er hægt að fara fram úr öftustu manneskju?

Þú ert ekki góð(ur) í þessu!  Rétt?

Þriðja spurning:
Mjög vandasamt dæmi! Athugaðu: Þú mátt aðeins leysa það í huganum.
Ekki nota pappír eða reiknivél. Reyndu.

Taktu 1000 bættu við 40. Bættu svo við 1000. Síðan bætirðu við 30 og svo 1000. Bættu við 20 og svo 1000 og að síðustu bætirðu við 10. Hver er útkoman?
Svar:  Fékkstu út 5000?
Rétt svar er reyndar 4100.
Trúirðu því ekki? Prófaðu dæmið með reiknivélinni þinni!

Þetta er ekki þinn dagur eða hvað? Kannski þú hafir síðustu spurninguna rétta?

Fjórða spurning: 
Pabbi Maríu á 5 dætur: 1. Nana, 2. Nene, 3. Nini, 4. Nono.
Hvað heitir sú fimmta? 



 Svar :Nunu?
NEI! Auðvitað ekki.  Hún heitir María. Lestu spurninguna aftur

Jæja, bónus spurningin:
Það er mállaus manneskja sem ætlar að kaupa tannbursta.  Með því að sýna tannburstun með látbragði tekst henni að koma afgreiðslufólkinu í skilning um hvað hún vill og kaupir tannburstann.
En ef það er blindur maður sem vill kaupa sólgleraugu, hvernig ætti hann að tjá ósk sýna?




Svar: Hann þarf bara að opna munninn og óska eftir því sem hann vill, svo einfalt

Það er orðið soldið langt síðan ég skrifaði síðast en það er nú að hluta til vegna þess að ég var heima á Íslandi yfir páskana.  Ég verð nú bara að segja að það var ekkert spes og er eiginlega bara nokkuð gott að vera kominn hingað út aftur. 

En víkjum að fyrirsögn dagsins.  Þannig vill nú til að það var flutt inn í íbúðina á hæðinni fyrir ofan mig í byrjun mars sem er ekki frásögu færandi nema fyrir það að fyrstu vikuna vissi maður varla af þeim.  En svo fóru hlutirnir að gerast,  fyrst var farið að spila frekar magnaða techno tónlist á háum styrk hvort sem það var þriðjudagur eða laugardagur en það er sko aldeilis ekki allt seint á kvöldin fóru að berast hingað niður í gegnum 100 ára gamla timburgólfið þessi líka svakalegu óhljóð eins og það væri verið að flá kött lifandi.  En ég á nú samt von á því að sú sé ekki raunin.  Þvílíkar stunur hef ég bara aldrei heyrt á ævinni stelpan hljóðar í alvörunni eins og hún sé í inntökuprófi í óperukórinn og svo rymur hann eins og skógarbjörn í kór, hvernig haldið þið að það sé að reyna að sofna við þetta, það er nánast ómögulegt.  Ég veit ekki með ykkur en þegar maður býr í svona gömlu húsi það verður bara að smella kodda yfir smettið á sér held ég.  Allavega 2-3 daga vikunnar bara svona rétt til að sýna lit gagnvart nágrönnunum.  Ég meina maður hlær að þessu núna en ég er ekki viss um að ég geri það eftir 2 mánuði ef að þau halda uppteknum hætti því að það er greinilega sko einn fyri svefninn og svo einn í morgunmat, þannig að maður vaknar við þetta líka.

Með öskrandi kveðju.

Stjáni.

Ég verð nú aðeins að fá að kvarta yfir þessum blessuðu Kínverjum í bekknum mínum.  Fyrir það fyrsta skilja þeir sama og ekki neitt í því sem að við erum að læra, í öðru lagi þá ganga þeir alltaf meira og meir fram af manni með öllum þessum bleiku böngsum og litlu kisum og öllu þessu dóti sem að þær eru með.  Í gær var ég í stærðfræðitíma og sat við hliðina á Kínverskri stelpu, þar sem að hún var ekki að skilja kennarann af því að hún kann ekki ensku þá kveikti hún bara á tölvunni sinni og fór að skoða hin ýmsu forrit sem að hún var með.  Eitt af þessum forritum var t.d. að það fóru ca. 10 bleik lítil lömb að hlaupa um skjáinn hjá henni, hvað er málið, ég held að hún sé 25 ára.  Um daginn þegar grúppan mín átti að gera poster sem sýndi hin ýmsu byggingarefni þá hannaði hún svaka fínt layout í tölvunni sinni þar sem að bakgrunnurinn var fjólublár og það var allt skreytt með litlum stjörnum og böngsum, ekki beint það sem passar við þakpappa og steinull. 

Það verður fróðlegt að vinna með þeim í vetur ég bara get ekki sagt annað.

Þessi helgi var sjálfsagt sú rólegasta síðan ég kom hingað til Danmerkur, ég gerði sama og ekki neitt það er orðið æði langt síðan að ég hef ekki gert nokkurn skapaðan hlut heila helgi, ekkert hesthús, engin vinna, ekkert djamm. Á laugardagskvöldið skellti ég mér reyndar til Árósa á Ístölt í skautahöllinni þar, það var nú bara alveg þokkalegt svona rétt til að viðhalda hestabakteríunni. Ég verð nú að segja að það er sjálfsagt það leiðinlegasta við að vera hérna úti það er að komast ekki á hestbak en ég vona að ég geti aðeins friðað mig um páskana ef ég kemst á bak heima. 

Í næstu viku byrjum við í landmælingum úti og er það nú ekki öfundsvert þar sem að þessi blessaði vetur ætlar aldrei að enda hér í Danaveldi þó að það sé nánast komin vorblíða heima á klakanum.

En ég er sem sagt að koma heim á föstudag, einhvern veginn á ég nú von á því að það verði tekin staðan á miðbænum um helgina.

 

Það er ekki mikið að skrifa um hjá mér þessa dagana því að ég er ennþá í veikindum.

Það var svakalegt stuð í Osló þó að flensan hafi nú sett smá strik í reikninginn þannig að djammið varð minna en gert var ráð fyrir og sama og engar myndir teknar.

En ég fór sem sagt til læknis í fyrsta skipti hér í Danmörku í gær og vitiði hvað það er frítt. En ég þurfti að fá einhver helvítis sýklalyf til að vinna á þessarri fjandans flensu þannig að nú er ég enn heima, á afmælisdaginn minn, svaka stuð.

En þetta er nú aldeilis búið að taka sinn toll því að ég er ekki enn byrjaður á að teikna húsið sem að ég á að skila á föstudaginn ,6 teikningum og kostnaðaráætlun og ég held að það sé nú alveg borin von að ég nái því héðan af, vona bara að kennarinn sýni þessu skilning.

 

Jæja þá er maður allur að skríða saman eftir þessa flensu.  Ég rölti í Bilka (Hagkaup) í dag og keypti einar 7 flöskur af allskonar brennivíni til að taka með mér til Norge á morgun. Annars er það bara búið að vera sama stuðið þættir frá ´85-´95 í sjónvarpinu. Ekki mikið að gerast hjá mér þessa dagana. 

Það er nú ekki laust við að ég kvíði soldið fyrir næstu viku því að ég á að skila útlitsteikningum af heilu húsi sem að ég á að hanna og handteikna fyrir næsta föstudag, verður sjálfsagt eitthvað um næturvinnu þá vikuna reikna ég með. En það hlýtur allt að hafast.

Ég skrifa svo þegar ég kem frá Osló og set inn myndir.

Ekki gleyma að skrifa í gestabókina!